[]
رانچی: ہندوستان نے انگلینڈ کے خلاف چوتھے ٹیسٹ میچ میں تیز گیند باز جسپریت بمراہ کو آرام دیا ہے۔ آئندہ انڈین پریمیئر لیگ (آئی پی ایل) سیزن اور ٹی 20 ورلڈ کپ کے پیش نظر ان کا ورک لوڈ منظم کیا گیا ہے ۔وہ پانچواں ٹیسٹ کھیلیں گے یا نہیں۔
اس کا فیصلہ چوتھے ٹیسٹ میچ کے نتیجے کے بعد کیا جائے گا۔ بمراہ نے پچھلے تین ٹیسٹ میں 80.5 اوور گیندبازی کی ہے۔ بمراہ نے اس سیریز میں 14 کی اوسط سے سب سے زیادہ 17 وکٹیں حاصل کی ہیں۔ وہ وشاکھاپٹنم کے دوسرے ٹیسٹ میں نو وکٹیں لے کر میچ کے بہترین کھلاڑی بنے تھے۔
تیز گیند باز مکیش کمار نے رانچی میں دوبارہ ہندوستانی ٹیم کو جوائن کرلیا ہے۔ انہیں راجکوٹ ٹیسٹ سے قبل بنگال کا آخری رنجی ٹرافی میچ کھیلنے کے لیے ریلیز کیا گیا تھا۔ انہوں نے بہار کے خلاف میچ میں 10 وکٹیں لے کر اپنے کیریئر کی بہترین کارکردگی پیش کی تھی۔
مکیش نے حیدرآباد میں دوسرے ٹیسٹ میں صرف ایک وکٹ حاصل کی تھی۔ اب دیکھنا یہ ہے کہ وہ محمد سراج کے پارٹنر کا کردار ادا کرتے ہیں یا آکاش دیپ کو موقع دیا جائے گا۔ آکاش نے انگلینڈ لائنز کے خلاف سیریز میں انڈیا اے کے لیے سب سے زیادہ 11 وکٹ لیے تھے۔
ہمیں فالو کریں
