’اسمبلی تحلیل کرنا چاہتے ہیں نتیش کمار‘، تیجسوی یادو کا سنسنی خیز دعویٰ

تیجسوی یادو نے اپنی یاترا کے پہلے مرحلہ میں میڈیا کو خطاب کرتے ہوئے کہا کہ عوام ہماری مالک ہے، ہم مالک کے سامنے جا رہے ہیں۔ عوام نے ہمیں بہار کی سب سے بڑی پارٹی بنایا۔ تیجسوی نے مزید کہا کہ نتیش کمار کے پاس اتحاد بدلنے کا نہ تو کوئی ویژن ہے اور نہ ہی کوئی وجہ۔ ہم نے 17 مہینے میں جو کام کیا، ہم اسے عوام کے سامنے رکھیں گے۔ وزیر اعلیٰ نتیش کمار عوام کے فیصلے کو کچھ بھی اہمیت نہیں دیتے۔ عوام اس کا جواب دے گی۔