[]
حکومت کی اس تیاری کے بعد کنزیومر راشن کی دوکانوں سے ٹوتھ برش، اگربتی کے علاوہ دیگر ضروری اشیا آن لائن خرید سکیں گے۔ حکومت کے اپنے ای کامرس پیلٹ فارم او این ڈی سی کے ذریعے اسے ممکن بنایا جائے گا۔ فی الحال اسے ہماچل پردیش کے اونا اور حمیر پور اضلاع میں آزمائشی بنیادوں پر چلایا جا رہا ہے۔ اگر سب کچھ ٹھیک رہا تو اسے پوری ریاست میں نافذ کیا جائے گا۔ اس سے راشن کے دکانداروں کو فائدہ ہوگا کیونکہ انہیں زیادہ خریدار ملیں گے اور وہ بڑے ریٹیلرس سے بھی آسانی سے مقابلہ کر سکیں گے۔ جو لوگ خود آن لائن شاپنگ نہیں کر پاتے ہیں وہ بھی راشن کی دوکانوں سے آن لائن آرڈر دے سکیں گے۔
