[]
بنگلورو: ٹریفک میں پھنسی دلہن نے شادی میں پہنچنے کے لئے دلچسپ طریقہ اپنایا جس کی ویڈیو سوشل میڈیا پر وائرل ہوگئی۔
یہ واقعہ بنگلورو میں پیش آیا جہاں ایک دلہن کی میٹرو بس میں سوار ہونے کی ویڈیو وائرل ہورہی ہے۔ وائرل ویڈیو میں دیکھا جاسکتا ہے کہ دلہن نے روایتی جوڑا اور زیورات پہنے ہوئے ہیں۔
میڈیا رپورٹس میں بتایا جارہا ہے کہ دلہن ٹریفک میں پھنس گئی تھی اور اسے شادی کی تقریب کے لئے تاخیر ہورہی تھی جس پر دلہن نے کسی بھی چیز کی پرواہ نہ کرتے ہوئے اپنی گاڑی کو ٹریفک میں پھنسا چھوڑ کر خود میٹرو بس سروس میں بیٹھ گئی۔
دلہن نے اپنی حاضر دماغی کا استعمال کرتے ہوئے بروقت فیصلہ کیا اور اپنی شادی پر ٹائم پر پہنچ گئی۔سوشل میڈیا صارفین کی جانب سے دلہن کی ہمت اور اس کے فیصلے کو خوب سراہا جارہا ہے۔
ہمیں فالو کریں
