[]
حیدرآباد: بی جے پی رکن اسمبلی گوشہ محل ٹی راجہ سنگھ نے حکومت ہند سے پانچ سو روپے کی نوٹ پر رام کی تصویر شائع کرنے کا مطالبہ کیا۔ آج مہاراشٹرا کے شامبھا جی پور میں صحافیوں سے بات چیت کرتے ہوئے انہوں نے کہا کہ امریکہ، تھائی لینڈ، انڈونیشیا اور چند ممالک کی کرنسیوں پر ہندو دیوی، دیوتاؤں کی تصاویر موجود ہیں۔
انہوں نے مزید کہا کہ انڈونیشیا کی آبادی میں 80فیصد مسلمان ہیں۔ اس کے باوجود وہاں کی کرنسی پر ہندو دیوی دیوتاؤں کی تصاویر ہے۔22 جنوری کو ایودھیا میں رام مندر کے افتتاح کے ضمن میں ہمارے ملک میں بھی پانچ سو روپے کے نوٹ پر رام کی تصویر شائع کرواتے ہوئے اس تقریب کو یادگار بنایا جانا چاہئے۔
راجہ سنگھ نے کہا کہ یہ صرف ان کی شخصی رائے نہیں ہے بلکہ ملک کے ایک سو کروڑ افراد کے جذبات کی ترجمانی ہے۔قبل ازیں بی جے پی کے قومی جنرل سکریٹری و کریم نگر کے ایم پی بنڈی سنجے نے ریاستی حکومت سے 22جنوری کو تعطیل دینے کا مطالبہ کیا تھا۔ان کا کہنا تھا کہ22جنوری کو ایودھیا کی مندر میں رام کی مورتی نصب کی جانے والی ہے۔
ہمیں فالو کریں
