[]
بھوپال: مدھیہ پردیش کے اندور میں نوجوان طالبعلم کی پی ایس سی کے کوچنگ سنٹر کی کلاس میں پڑھائی کے دوران دل کا دورہ پڑنے سے موت ہوگئی۔ 18 سالہ مادھو نامی طالب علم کی موت کی حتمی وجہ سامنے نہیں آئی ہے تاہم یہ کہا جارہا ہے کہ اس کی موت دل کا دورہ پڑنے کی وجہ سے ہوئی۔
بھنورکن ضلع کے مادھو، جو مدھیہ پردیش پبلک سروس کمیشن (MPPSC) کے امتحانات کی تیاری کر رہے تھے، اندور میں کوچنگ کلاس میں پڑھائی ررہے تھے۔ مادھو اپنے کوچنگ سنٹر کی کلاس میں اپنے ساتھی طلباء کے ساتھ پڑھائی کرہے تھے کہ اچانک سینے میں درد کی وجہ سے وہیں بنچ پر گر گئے۔ پریشان طلباء نے مادھو کو قریبی اسپتال پہنچایا۔
نوجوان کا معائنہ کرنے والے ڈاکٹروں نے تصدیق کی کہ وہ پہلے ہی مرچکے ہیں۔ تاہم مادھو کی موت کی اصل وجہ معلوم نہیں ہو سکی ہے۔ خیال کیا جا رہا ہے کہ لودھی کی موت دل کا دورہ پڑنے سے ہوئی۔ طالب علم کے کلاس روم میں گرنے کے مناظر وہاں کی سی سی ٹی وی فوٹیج میں ریکارڈ ہو گئے۔
ہمیں فالو کریں
