[]
لکھنؤ: انٹرنیٹ کی دنیا بہت عجیب ہے، آپ یہ نہیں بتا سکتے کہ آپ یہاں کب اور کیا دیکھیں گے۔ کبھی کبھی کچھ وائرل ویڈیوز اور تصاویر کسی کو زور سے ہنسا دیتے ہیں، اور کبھی کبھی کچھ ویڈیوز اور تصاویر کسی کو چونکا دیتی ہیں۔
حال ہی میں ایک ایسی ہی تصویر وائرل ہو رہی ہے جسے دیکھ کر آپ بھی حیران رہ جائیں گے۔ دراصل وائرل ہونے والی اس تصویر میں بینک کے اندر ایک بیل کھڑا نظر آرہا ہے جسے دیکھ کر وہاں موجود لوگ بھی دنگ رہ گئے۔
وائرل ہو رہی یہ تصویر اتر پردیش کے اناؤ کی بتائی جا رہی ہے۔ بتایا جا رہا ہے کہ ایک بیل دن دیہاڑے ایس بی آئی برانچ میں گھس گیا، جسے دیکھ کر بینک کے اندر موجود لوگوں میں افراتفری مچ گئی۔ لوگ خود کو بچانے کے لیے ادھر ادھر بھاگنے لگے۔ یہ تصاویر اور ایک ویڈیو مختلف سوشل میڈیا پلیٹ فارمز پر وائرل ہو رہی ہے جسے دیکھ کر لوگ حیران رہ گئے ہیں۔
انٹرنیٹ پر وائرل ہو رہے ویڈیو میں دعویٰ کیا جا رہا ہے کہ بیل دوپہر 12 بجے کے قریب بینک کے اندر کیش کاؤنٹر میں گھس گیا تھا جس وقت بیل بینک میں داخل ہوا اس وقت بینک ملازمین کے علاوہ کھاتہ دار بھی برانچ میں موجود تھے، ان کے چہروں پر خوف صاف نظر آرہا تھا۔
اس دوران سیکورٹی گارڈ اور دیگر لوگوں نے بینک کے اندر سے بیل کو باہر نکالنے کی بھرپور کوشش کی۔ اس دوران وہ کسی طرح بیل کو بینک سے نکالنے میں کامیاب ہو گئے۔ بیل کے نکلنے کے بعد ہی لوگوں نے سکون کی سانس لی۔
ہمیں فالو کریں
