[]
دراصل ابھشیک منو سنگھوی نے سوشل میڈیا پلیٹ فارم ’ایکس‘ پر شیوراج سنگھ چوہان کی ویڈیو کو شیئر کیا ہے اور ساتھ میں طنز کرتے ہوئے لکھا ہے ’’یہ غم کیوں ختم نہیں ہوتا؟‘‘ ویڈیو میں شیوراج چوہان کہتے نظر آ رہے ہیں کہ ’’کرسی ہے تو چرن کمل، ہٹے تو ہورڈنگ سے تصویر بھی غائب۔‘‘ سابق وزیر اعلیٰ کا کہنا ہے کہ جب تک کوئی وزیر اعلیٰ عہدہ پر رہتا ہے تو اس کے قدم بھی کمل بن جاتے ہیں، اور جب کرسی چلی جاتی ہے تو پھر ہورڈنگ سے تصویر بھی غائب ہو جاتی ہے، جیسے کہ گدھے کے سر سے سینگ۔
