مہاراشٹر: پورنا-پرلی پیسنجر ٹرین میں لگی آگ، ایک کوچ خاکستر، تحقیقات شروع

کچھ میڈیا رپورٹس میں بتایا جا رہا ہے کہ ٹرین میں آگ صبح 9.30 بجے سے 9.40 بجے کے درمیان لگی۔ اس وقت ٹرین رکھ رکھاؤ یارڈ میں پلیٹ فارم نمبر 4 پر کھڑی تھی۔ اچانک ایک کوچ سے آگ کی لپٹیں اور دھواں دیکھ کر وہاں موجود لوگوں میں کھلبلی مچ گئی۔ فائر بریگیڈ محکمہ اور اسٹیشن پر موجود ریلوے اسٹاف نے آگ پر جلد ہی قابو پا لیا۔ اب اس واقعہ کی تحقیقات شروع ہو گئی ہے۔ یہ پتہ لگانے کی کوشش ہو رہی ہے کہ آخر کھڑی ٹرین کے کوچ میں اچانک آگ کس طرح لگ گئی۔