اعظم خان اور بیٹے عبداللہ سے متعلق کیس میں عدالت آج سنائے گی فیصلہ، پورا خاندان مختلف جیلوں میں قید

اگر رام پور کی ایم پی-ایم ایم اے عدالت برتھ سرٹیفکیٹ کیس میں ہفتہ کو اعظم خان اور ان کے خاندان کو کوئی راحت نہیں دیتی تو خاندان الہ آباد ہائی کورٹ سے رجوع کر سکتا ہے۔ دونوں مقدمات میں عدالت کا فیصلہ دوپہر دو بجے کے قریب آنے کی توقع ہے۔

خیال رہے کہ اعظم خان کے خلاف تقریباً 90 مقدمات درج ہیں۔ حال ہی میں یوپی حکومت نے مولانا محمد علی جوہر ٹرسٹ کو دی گئی زمین کی لیز کو منسوخ کر دیا تھا، جس کے بعد اعظم خان نے یوپی حکومت کی طرف سے ٹرسٹ کو دی گئی زمین کی لیز کو منسوخ کرنے کے فیصلے کو چیلنج کیا ہے۔