[]
نئی دہلی: دہلی ہائیکورٹ نے آج کانگریس قائد پی چدمبرم‘ ان کے لڑکے کارتی چدمبرم اور ایرسل میگزس کیس کے دیگر ملزمین سے سی بی آئی کی ایک درخواست پر جواب طلب کیا۔
سی بی آئی نے ایک ٹرائل عدالت کے حکم کو چالنج کیا ہے جس کے ذریعہ ایجنسی کو ہدایت دی گئی تھی کہ وہ ملزمین کو ایسے دستاویزات فراہم کرے جن پر وہ بھروسہ نہیں کرتی۔
جسٹس سورنا کانتا شرما نے سی بی آئی کی درخواست پر نوٹس جاری کردی اور چدمبرم‘ کارتی اور دیگر ملزمین کو جواب داخل کرنے کیلئے ایک ہفتہ کی مہلت دی۔
سی بی آئی نے اپنی درخواست میں استدلال کیا کہ ٹرائل عدالت نے ایجنسی کو ایسے دستاویزات فراہم کرنے کی ہدایت دیتے ہوئے غلطی کی ہے جن پر وہ بھروسہ نہیں کرتی۔
ہائیکورٹ کو بتایا گیا کہ 18 جنوری کو اس کیس کی سماعت ٹرائل عدالت میں مقرر ہے جس پر ہائی کورٹ نے اس درخواست کی سماعت 11 جنوری 2024 کو مقرر کی۔
ہمیں فالو کریں
