[]
حیدرآباد: بی جے پی کے قومی جنرل سکریٹری وسابق ریاستی صدر بنڈی سنجے کمار پھر ایک بار تنازغہ میں گھر گئے ہیں۔ کریم نگر کے بی جے پی کے سینئر قائدین نے بنڈی سنجے کو کریم نگر سے پارلیمنٹ امیدوار نہ بنانے کا مطالبہ کرتے ہوئے ایک قرار داد منظور کی ہے اور یہ قرار داد پارٹی ہائی کمان کو روانہ کردیا گیا۔
قرار داد میں واضح کردیا گیا کہ بنڈی سنجے ایک اور بار انتخابات لڑنے کیلئے تیاری کررہے ہیں۔ مگر انہیں پارٹی امیدوار نہ بنایا جائے اگر انہیں دوبارہ ٹکٹ دیا جاتا ہے کہ ہم ان کے ساتھ قطعی طور پر تعاون نہیں کریں گے۔
کریم نگر میں بنڈی سنجے کے خلاف پارٹی میں مخالفت بڑھتی جارہی ہے۔ متحدہ ضلع کریم نگر کے13 اسمبلی حلقوں سے بی جے پی قائدین سنجے کے خلاف صف آراء ہلیں۔ بی جے پی قائدین کا کہنا ہے کہ سنجے نے دوسروں کی بے عزتی کی اور ضلع میں پارٹی کو تباہ کردیا ان کے اس رویہ کی وجہ سے اسمبلی انتخابات میں قائدینا نے ان سے دوری اختیار کی تھی اور وہ شکست سے دوچار ہوگئے تھے۔
ہمیں فالو کریں
