[]
حیدرآباد: مکانات کی تعمیر کیلئے پلاٹس دینے کامطالبہ کرتے ہوئے سی پی آئی کی جانب سے کئے گئے احتجاج کے بعد خواتین کی بڑی تعداد بسوں میں خطرناک طریقہ سے سفر کرتی ہوئی نظرآئیں جو ان بسوں میں مفت سفر کی سہولت سے استفادہ حاصل کرتے ہوئے اپنے گھروں کو واپس ہوئیں۔
یہ واقعہ تلنگانہ کے ضلع جگتیال میں پیش آیا۔تلنگانہ کی کانگریس حکومت نے خواتین کیلئے بسوں میں سفر کی مفت سہولت اپنے انتخابی وعدہ کے حصہ کے طورپر شروع کی ہے۔
اس اسکیم پر اعلان کے بعد پہلی مرتبہ جگتیال میں خواتین کو بسوں میں لٹک کرجاتے ہوئے اور خطرناک طریقہ سے فٹ بوڈنگ کرتا ہوا اپنی منزل کی طرف جاتے ہوئے دیکھاگیا۔
اس احتجاجی پروگرام میں مختلف دیہاتوں سے خواتین کی بڑی تعداد آئی تھی۔ بسوں میں گنجائش نہ ہونے پر بعض خواتین نے گھروں کو واپسی کیلئے پرائیویٹ گاڑیوں کا سہار الیا۔
ہمیں فالو کریں
