[]
حیدرآباد: حلقہ اسمبلی چارمینار کے کانگریس امیدوار مجیب اللہ شریف پر جمعرات کو حسینی علم میں چند لوگوں کے ایک گروپ نے حملہ کردیا۔
مجیب اللہ مختلف پولنگ بوتھس پر پولنگ کے عمل کا جائزہ لے رہے تھے جب کچھ لوگوں نے ان پر حملہ کردیا۔
شبہ کیا جارہا ہے کہ مبینہ طور پر مجلس کے ورکرس نے بحث کے بعد ان پر حملہ کردیا۔ مجیب اللہ کے علاوہ دیگر لوگوں پر بھی حملہ کیا گیا۔
پولیس نے بروقت کارروائی کرتے ہوئے لوگوں کو منتشر کردیا۔ متاثرین کو ہسپتال منتقل کر دیا گیا۔ مجیب اللہ شریف نے پولیس میں شکایت درج کرائی۔
