نئی دہلی: ری-نیٹ یو جی 2026 کا دوبارہ امتحان اتوار کو ملک بھر میں سخت حفاظتی انتظامات کے درمیان منعقد ہوا۔ امتحان شام تقریباً سوا پانچ بجے اختتام پذیر ہوا، جس کے بعد نیشنل ٹیسٹنگ ایجنسی (این ٹی اے) نے بیان جاری کرتے ہوئے کہا کہ اس امتحان میں 20 لاکھ سے زائد امیدواروں نے حصہ لیا۔
این ٹی اے کے مطابق امتحان ملک بھر کے 5440 مراکز اور بیرون ملک 14 مراکز پر 13 زبانوں میں منعقد کیا گیا۔ اس دوران پولیس اہلکاروں، مبصرین اور امتحانی عملے سمیت تقریباً سات لاکھ افراد کی خدمات حاصل کی گئیں تاکہ امتحانی عمل کو شفاف اور محفوظ بنایا جا سکے۔
