نئی دہلی: مرکزی ثانوی تعلیمی بورڈ (سی بی ایس ای) کے آن اسکرین تشخیصی نظام یعنی او ایس ایم میں گڑبڑیوں اور تکنیکی خامیوں کے معاملے میں دہلی ہائی کورٹ نے مرکزی حکومت اور سی بی ایس ای کو نوٹس جاری کرتے ہوئے جواب طلب کر لیا ہے۔ عدالت نے اس معاملے کی اگلی سماعت 12 جون 2026 کو مقرر کی ہے۔
یہ کارروائی کانگریس کی طلبہ تنظیم نیشنل اسٹوڈنٹس یونین آف انڈیا (این ایس یو آئی) کی جانب سے دائر مفاد عامہ کی عرضی پر سماعت کے دوران کی گئی۔ عرضی میں دعویٰ کیا گیا ہے کہ بارہویں جماعت کے امتحانات کے لیے استعمال ہونے والے آن اسکرین تشخیصی نظام میں متعدد تکنیکی مسائل سامنے آئے ہیں، جن کی وجہ سے بڑی تعداد میں طلبہ متاثر ہوئے ہیں۔
