’خواتین ریزرویشن آج اور ابھی نافذ کرو!‘ الکا لامبا کی قیادت میں کانگریس کا جے پور میں بی جے پی دفتر کے باہر زبردست احتجاج

راجستھان پردیش کانگریس کمیٹی نے اپنے آفیشل ’ایکس‘ ہینڈل سے مظاہرے کی کچھ تصاویر پوسٹ کی ہیں۔ کانگریس نے پوسٹ میں لکھا کہ ’’خواتین ریزرویشن نافذ کرو، آج کرو اور ابھی کرو! آج جے پور میں اے آئی سی سی مہیلا کانگریس کی قومی صدر الکا لامبا اور راجستھان ریاستی مہیلا کانگریس کی صدر ساریکا سنگھ سمیت کانگریس کی بہنوں نے بی جے پی ہیڈکوارٹر کا گھیراؤ کیا۔ جب تک 2023 میں منظور شدہ خواتین ریزرویشن نافذ نہیں ہوتا، ہماری جدوجہد رکنے والی نہیں ہے۔‘‘