بھالوکا پولیس اسٹیشن کے ڈیوٹی آفیسر رپن میاں کے مطابق، حملے کے بعد مشتعل افراد نے دیپو چندر داس کی لاش کو ایک درخت سے باندھ دیا اور آگ لگا دی۔ پولیس نے موقع پر پہنچ کر حالات کو قابو میں کیا اور معاملے کی جانچ شروع کر دی ہے۔ واقعے کے بعد علاقے میں اضافی پولیس نفری تعینات کر دی گئی ہے تاکہ مزید کشیدگی کو روکا جا سکے۔
اس واقعے پر ہندوستان میں بھی سخت ردِعمل سامنے آیا ہے۔ کانگریس کی جنرل سیکریٹری پرینکا گاندھی واڈرا نے بنگلہ دیش میں ہندو نوجوان کی ہجومی تشدد میں ہلاکت پر گہری تشویش کا اظہار کیا ہے۔ انہوں نے سوشل میڈیا پلیٹ فارم ایکس پر جاری بیان میں کہا کہ مذہب، ذات یا شناخت کی بنیاد پر تشدد اور قتل کسی بھی مہذب سماج کے لیے ناقابل قبول ہے اور یہ انسانیت کے خلاف جرم ہے۔
