بہار اسمبلی انتخابات کی تشہیر کے دوران راشٹریہ جنتا دل (آر جے ڈی) کے رہنما اور مہاگٹھ بندھن کی جانب سے وزیراعلیٰ کے امیدوار تیجسوی یادو نے اتوار کو مکامہ میں ایک عظیم الشان انتخابی ریلی سے خطاب کیا۔ اس موقع پر انہوں نے اعلان کیا کہ ان کی لڑائی غریبی، بے روزگاری، مہنگائی، بدعنوانی، پلاین (نقل مکانی) اور مجرموں کے خلاف ہے۔ انہوں نے مکامہ کی عوام سے آر جے ڈی امیدوار کے حق میں ووٹ دینے کی اپیل کی۔
تیجسوی یادو نے کہا کہ مکامہ میں جمع عوام کا جوش اور جذبہ اس بات کا ثبوت ہے کہ اب بہار میں تبدیلی طے ہے۔ انہوں نے کہا، ’’این ڈی اے کو 20 برس ملے، مگر وہ بہار کی تقدیر نہیں بدل سکے۔ جو وہ 20 برس میں نہ کر سکے، ہم 20 مہینے میں کر دکھائیں گے۔‘‘
