نئی دہلی: قائد حزب اختلاف اور کانگریس کے سینئر لیڈر راہل گاندھی نے ہفتہ کے روز ہندوستان کی متعدد ریاستوں اور مرکز کے زیر انتظام علاقوں کو یومِ تاسیس کے موقع پر نیک تمناؤں کے ساتھ مبارکباد پیش کی۔ انہوں نے اپنے پیغام میں کہا کہ ملک کی اصل طاقت اس کے تنوع، بھائی چارے اور مشترکہ اقدار میں مضمر ہے۔
راہل گاندھی نے سوشل میڈیا پلیٹ فارم ایکس پر لکھا، ’’آندھرا پردیش، انڈمان و نکوبار جزائر، چھتیس گڑھ، چنڈی گڑھ، دہلی، ہریانہ، کرناٹک، کیرالہ، مدھیہ پردیش، پنجاب، پڈوچیری، تمل ناڈو اور لکشدیپ کے عوام کو یومِ تاسیس کی دلی مبارکباد۔‘‘
