شیخ عبدالعزیز آل الشیخ کا تعلق سعودی عرب کے معروف مذہبی خانوادے سے تھا۔ وہ 30 نومبر 1943 کو مکہ مکرمہ میں پیدا ہوئے۔ سات برس کی عمر میں یتیم ہو گئے، تاہم کم عمری ہی میں قرآن کریم حفظ کر لیا۔ 20 سال کی عمر میں بینائی سے محروم ہو جانے کے باوجود انہوں نے اپنی دینی تعلیم کا سلسلہ جاری رکھا اور اعلیٰ سطح پر شریعت و فقہ کی تعلیم حاصل کی۔ وہ سعودی جامعات کے علمی اور فقہی اداروں سے بھی وابستہ رہے اور بعد ازاں ملک کے سب سے بڑے مذہبی منصب پر فائز ہوئے۔
انہیں 1999 میں مفتی اعظم کے عہدے پر فائز کیا گیا۔ اس حیثیت میں انہوں نے شریعت کی تشریح، قانونی اور معاشرتی مسائل پر فتوے جاری کیے اور سعودی عرب کی دینی و عدالتی سمت متعین کرنے میں مرکزی کردار ادا کیا۔ دو دہائیوں سے زیادہ عرصہ تک وہ مملکت کے سب سے بڑے مذہبی اتھارٹی کے طور پر خدمات انجام دیتے رہے۔
