[]
مہر خبررساں ایجنسی کی رپورٹ کے مطابق، ناصر کنعانی نے سویڈن میں قرآن پاک کی ایک بار پھر توہین کے حوالے سے کہا کہ بدقسمتی سے ہم آج بھی بنیادی انسانی حقوق کے برخلاف اسلامی مقدسات کی بے حرمتی کے دہرائے جانے کا مشاہدہ کر رہے ہیں۔
انہوں نے مزید کہا کہ دو ارب سے زائد مسلمانوں کے حقوق اور اقدار کی توہین پر مبنی گستاخانہ کارروائیاں اور نفرت انگیز اقدامات سویڈش پولیس کی ناک تلے انجام پائے ہیں جب کہ پولیس کی بنیادی ذمہ داری سیکورٹی کو برقرار رکھنا اور دوسروں کے حقوق کی خلاف ورزی سے روکنا ہے۔ البتہ یہ شرمناک اقدام دنیا کے آزاد اور حقیقت پسند افراد کے ذہنوں سے کبھی نہیں محو نہیں ہوگا۔
ایران کی وزارت خارجہ کے ترجمان نے زور دے کر کہا کہ اسلامی جمہوریہ ایران کے نقطہ نظر سے سویڈش حکام کی گستاخوں کے خلاف کارروائی کئے بغیر قرآن مجید پر حملے کی مذمت یا مخالفت دعوے کافی نہیں ہیں۔
کنعانی نے مزید کہا کہ اس بنا پر، سویڈش حکومت سے توقع کی جاتی ہے کہ وہ انسانی حقوق کے بنیادی اصولوں پر سنجیدگی سے عمل کرے اور عملی اور موثر اقدامات کے ذریعے اخلاقیات اور مذاہب کے پرامن بقائے باہمی کو فروغ دینے کی کوشش کرے، اور مسلمانوں اور دنیا بھر کے توحید پرستوں کے واضح ترین مطالبے کا ذمہ داری سے جواب دے۔
