مہر خبررساں ایجنسی کی رپورٹ کے مطابق، ایرانی وزیر خارجہ عباس عراقچی نے ہفتے کے روز شہداء کی تشییع جنازے میں شرکت کے بعد سوشل میڈیا پر لکھا کہ ایرانیوں نے خون دیا، لیکن وقار نہیں چھوڑا۔
اپنے انسٹاگرام پیغام میں عراقچی نے لکھا کہ ایرانیوں نے خون دیا، زمین نہیں، اپنے پیارے قربان کیے، مگر عزت پر سمجھوتہ نہ کیا۔ وہ ہزاروں ٹن بارود کی بارش سہہ گئے، لیکن ہتھیار نہیں ڈالے۔
انہوں نے مزید کہا کہ ایران ’’ہتھیار ڈالنے‘‘کے تصور کو تسلیم نہیں کرتا۔
ان کا یہ بیان اس وقت سامنے آیا ہے، جب اسرائیل کے ساتھ جنگ میں مارے جانے والے افراد کے لیے تہران میں سرکاری تدفین کی تقریب منعقد کی گئی، جس میں لاکھوں افراد نے شرکت کی۔
