یوتھ کانگریس کی ’ہجرت روکو، ملازمت دو‘ یاترا اختتام پذیر، پٹنہ میں پولیس کی بربریت کا کرنا پڑا سامنا

ورون چودھری نے پولیس بربریت پر اپنا رد عمل ظاہر کرتے ہوئے کہا کہ ’’ہم بہار کے لاکھوں نوجوانوں کا درد اور ان کے مطالبات لے کر آئے تھے، لیکن نتیش کمار نے ہمیں سننے کی جگہ تشدد کا راستہ اختیار کیا۔ یہ صرف طلبا پر نہیں، بہار کے مستقبل پر حملہ ہے۔ ہم خاموش نہیں بیٹھیں گے۔ بی جے پی-جے ڈی یو کی اس ڈبل انجن والی نوجوان مخالف حکومت کے خلاف ہماری لڑائی مزید تیز ہوگی۔‘‘ انھوں نے مزید کہا کہ این ایس یو آئی اس غیر جمہوری استحصال اور پولیس کی بربریت کی شدید الفاظ میں مذمت کرتا ہے۔