[]
حیدرآباد:جواہرلال نہرو یونیورسٹی (جے این یو) میں این ایس یو آئی کے ایک سینئر کارکن و پی ایچ ڈی طالب علم فاروق عالم پر اکھل بھارتیہ ودیارتھی پریشد (اے بی وی پی) کے ارکان نے مبینہ حملہ کردیا۔ فاروق عالم‘ جسمانی معذور ہیں۔
این ایس یو آئی نے مائیکرو بلاگنگ سائٹ ’ایکس‘ (سابقہ ٹوئٹر) پر ایک ویڈیو پوسٹ کرتے ہوئے ادعاکیاکہ اے بی وی پی کے چند ارکان‘ یونیورسٹی کے مشہور کاوری ہاسٹل پہنچے اور فاروق کے ساتھ جھگڑا کیا۔
یہ بھی دعویٰ کیا گیا کہ کاویری ہاسٹل کے ایک سینئر وارڈن بھی اے بی وی پی کے غنڈوں کے ساتھ تھے۔ ٹوئٹر پروفائل کے مطابق فاروق عالم انڈین یوتھ کانگریس (آئی وائی سی) کے قومی ترجمان ہیں اور وہ کاٹیہار (بہار) کے متوطن ہیں۔
وہ یونیورسٹی میں داخلہ کے بعد طلبہئ کی سیاست میں سرگرم ہیں۔ میڈیا رپورٹس کے مطابق 2019 فیس میں اضافہ کے خلاف احتجاجی مومنٹ سے متعلق عدالتی فصیلہ کاویری ہاسٹل کے وارڈن سے حاصل کرنے کے بعد اے بی وی پی کے کارکنوں نے فاروق عالم کو بردی طرح زدوکوب کیا اور انہیں گھسیٹ کر لایا گیا۔
این ایس یو آئی نے الزام عائد کیا کہ کاویری ہاسٹل کے وارڈن بھی ان غنڈوں کی مدد کررہے تھے جو فاروق پر حملہ کے لئے آئے تھے۔
