مہر خبررساں ایجنسی کے مطابق، رہبر معظم انقلاب کے مشیر محمد مخبر نے آج تہران کی عوامی ریلی میں شرکت کے دوران صحافیوں سے گفتگو کرتے ہوئے کہا: اسلامی انقلاب 46 سالوں میں پختگی کے مراحل طے کر چکا ہے اور اپنے درخشاں مستقبل کی جانب گامزن ہے۔
انہوں نے مزید کہا کہ اسلامی انقلاب کا مرکزی خیال حق محوری اور حریت پسندی ہے اور ہمارے عوام نے ثابت کر دیا ہے کہ وہ ہمیشہ حق پر قائم ہیں، خواہ پوری دنیا باطل کے ساتھ کھڑی ہو۔”
محمد مخبر نے کہا کہ آج خطے میں نہتے فلسطینیوں کی نسل کشی اور بچوں کا قتل عام کرنے والی صیہونی رژیم برائی کا محور ہے اور ہمارے دور میں باطل کی حقیقی علامت ہے۔
انہوں نے کہا کہ فلسطینی قوم اور مزاحمت اس جرثومہ اعظم کے خلاف ایک مضبوط عزم کے ساتھ کھڑی ہے اور آج کے مارچ میں عوام کی بھرپور موجودگی ان کے لئے مزاحمت کو جاری رکھنے کا واضح پیغام ہے۔
