امریکہ میں غیر قانونی طور پر رہنے والے لوگوں کے یہاں پیدا ہونے والے کسی بھی بچے کے لیے پیدائشی شہریت کے حق کو ختم کرنے کے انتظام والے صدر ٹرمپ کے ایگزیکٹیو آرڈر پر بدھ کو ایک اور جج نے عارضی طور پر روک لگا دی۔ عدالت کا یہ فیصلہ 22 ریاستوں کے ساتھ ہی دیگر تنظیموں کی عرضی پر آیا ہے، جنہوں نے ٹرمپ کے اس حکم پر روک لگانے کی گزارش کی تھی۔
میری لینڈ کی وفاقی عدالت کی جج ڈیبورا بورڈ مین نے دلیلیں سننے کے بعد یہ فیصلہ دیا۔ انہوں نے کہا کہ ملک کی کسی بھی عدالت نے ٹرمپ انتظامیہ کے قدم کی حمایت نہیں کی ہے۔ ٹرمپ کے ایگزیکٹیو آرڈر پر روک کو لے کر مائیگرینٹ رائٹس ایڈووکیسی گروپس کاسا اور اسائلم سیکر ایڈوکیسی پروجیکٹ اور کچھ حاملہ خواتین نے بھی مقدمہ کیا ہے۔
