مہر خبررساں ایجنسی کے مطابق تاجیکستان کے نائب وزیر خارجہ عصمتالله نصرالدین اکو کے وزرائے خارجہ کے اجلاس میں شرکت کے لیے تہران پہنچے ہیں۔ جہاں انہوں نے ایرانی وزیر خارجہ سید عباس عراقچی سے ملاقات کی۔
ملاقات کے موقع پر عراقچی نے گذشتہ دنوں صدر مسعود پزشکیان کے دورہ تاجکستان اور تاجک حکومت و عوام کی شاندار میزبانی کو سراہتے ہوئے کہا کہ ایران اور تاجکستان کے درمیان تعلقات کا مستقبل روشن اور امید افزا ہے۔ ہمیں امید ہے کہ اس دورے میں ہونے معاہدوں پر عمل درآمد کے ذریعے دونوں ممالک کے درمیان ہمہ جہت تعاون کا ایک نیا باب کھلے گا۔
ایرانی وزیر خارجہ نے خطے میں جاری تبدیلیوں کی طرف اشارہ کرتے ہوئے دونوں ممالک کے درمیان مسلسل اور قریبی مشاورت کی ضرورت پر زور دیا۔
تاجکستان کے نائب وزیر خارجہ نے بھی دونوں ممالک کے تعلقات کو مثبت قرار دیتے ہوئے کہا کہ تاجک قیادت ایران کے ساتھ ہر ممکنہ شعبے میں تعلقات کو مزید فروغ دینے کے لیے پرعزم ہے۔
انہوں نے ایران اور تاجکستان کے درمیان فضائی سفر پر ویزہ کی شرط ختم ہونے کی جانب اشارہ کرتے ہوئے امید ظاہر کی کہ اس اقدام سے دونوں ممالک کے عوام کے درمیان تعلقات مزید مضبوط ہوں گے اور تجارتی، اقتصادی اور سیاحتی شعبوں میں روابط میں اضافہ ہوگا۔
