حیدرآباد (تلنگانہ): تلنگانہ میں ٹی جی ای اے پی سیٹ (TG EAPCET) کے امتحانات کے شیڈول کا اعلان کر دیا گیا ہے۔ ہائر ایجوکیشن کونسل کی جانب سے تفصیلات فراہم کی گئی ہیں جس کے مطابق آن لائن درخواستیں 22 فروری سے قبول کی جائیں گی۔
انجینیئرنگ کے داخلہ امتحانات 2 مئی سے 5 مئی تک منعقد ہوں گے، جبکہ 29 اور 30 اپریل کو زرعی (ایگریکلچر) اور فارماسیوٹیکل کے امتحانات ہوں گے۔ ای اے پی سیٹ امتحانات (جے این ٹی یو) کی جانب سے منعقد کیے جائیں گے۔
اس کے علاوہ تلنگانہ پی جی ایسٹ (PGCET) کا شیڈول بھی ہائر ایجوکیشن کونسل نے جاری کیا ہے۔ پی جی ایسٹ کا نوٹیفکیشن 12 مارچ کو جاری کیا جائے گا، اور درخواستیں 17 مارچ سے 19 مارچ تک داخل کی جا سکیں گی۔ پی جی ایسٹ کے امتحانات 16 جون سے 19 جون تک ہوں گے۔
اس پورے شیڈول سے طلباء کو اگلے چند مہینوں میں ہونے والے اہم امتحانات کے بارے میں آگاہی ملے گی تاکہ وہ اپنی تیاری کے لیے وقت سے قبل منصوبہ بندی کر سکیں۔
