پی ایم مودی نے کہا کہ بسنت پنچمی کے ساتھ ہی موسم میں تبدیلی آتی ہے اور اسی طرح دہلی کی سیاست میں بھی تبدیلی آنے والی ہے۔ انہوں نے کہا، ’’پانچ فروری کو دہلی میں ترقی کا نیا بسنت آنے والا ہے۔ اس بار دہلی کی عوام کہہ رہی ہے، اب کی بار بی جے پی سرکار۔‘‘
وزیر اعظم نے حالیہ بجٹ کا حوالہ دیتے ہوئے کہا کہ یہ بجٹ ہندوستان کی تاریخ میں مڈل کلاس کے لیے سب سے زیادہ دوستانہ بجٹ ہے۔ انہوں نے کہا، ’’پہلے بجٹ سنتے ہی مڈل کلاس کے لوگ فکر مند ہو جاتے تھے لیکن ہماری حکومت نے 12 لاکھ روپے تک کی آمدنی پر انکم ٹیکس کو صفر کر دیا ہے، جس سے مڈل کلاس کے ہزاروں روپے بچیں گے۔‘‘
