کانگریس کی جنرل سیکریٹری پرینکا گاندھی نے بجٹ اجلاس کے آغاز سے پہلے وزیر اعظم نریندر مودی کے اپوزیشن پر حملوں کے بعد جمعہ کو الزام لگایا کہ وزیر اعظم عوامی مسائل پر گفتگو نہیں کرتے اور سوالوں کے جواب دینے سے گریز کرتے ہیں۔
پرینکا گاندھی نے پارلیمنٹ کے احاطے میں صحافیوں سے بات کرتے ہوئے کہا، ’’وہ ہمیشہ یہی کرتے ہیں۔ عوامی مسائل پر بات نہیں کرتے، جواب نہیں دیتے۔ آپ نے پچھلا سیشن دیکھا کہ (انہوں نے) بحث ہی نہیں کی۔ یہ سب (الزامات) تو کہیں گے ہی۔‘‘
