اردو زبان وہ ادب کو پروان چڑھانے ‘ مطالعہ کے ساتھ لکھنے ،اور تحقیق کوجاری رکھنے پر زور ۔ وائس چانسلر یادگیری
یوم جمہوریہ تقریب کے موقع پر ڈاکٹر محمد عبدالقوی کی شالپوشی و میمنٹوز کے ذریعے تہنیت ۔
نظام اباد ۔26/ جنوری (پریس نوٹ) وائس چانسلر تلنگانہ یونیورسٹی پروفیسر ٹی یادگیری راؤ نے 76 ویں یوم جمہوریہ تقریب کے موقع پر تلنگانہ یونیورسٹی کے اسسٹنٹ پروفیسر وہ چیئرمین بورڈ اف سٹڈیز شعبہ اردو ڈاکٹر محمد عبدالقوی کو ریاستی اردو اکیڈمی حکومت تلنگانہ کی جانب سے تحقیق و تنقید کے میدان میں باوقار “کارنامہ حیات ایوارڈ ” حاصل کرنے پر خوشی و مسرت کا اظہار کرتے ہوئے کہا کہ یہ ایوارڈ شعبہ اردو کے ساتھ ساتھ تلنگانہ یونیورسٹی کے لیے باعث فخر ہے
۔اس موقع پر وائس چانسلر پروفیسر ٹی یادگری راؤ اور رجسٹرار پروفیسر ایم یادگیری نے ڈاکٹر محمد عبدالقوی کو مبارکباد دی اور شال پوشی و میمنٹو کے ذریعے تہنیت پیش کی۔ اس موقع پر وائس چانسلر پروفیسر ٹی یاد گیری راؤ اور رجسٹرار ایم یادگیری نے ڈاکٹر عبدالقوی سے کہا کہ وہ اپنے مطالعہ کے ذوق کے ساتھ ساتھ لکھنے اور تحقیق کے سلسلے کو جاری رکھیں تاکہ اردو زبان و ادب کے فروغ میں اپنا مؤثر رول ادا کرسکے ۔
یہاں اس بات کا تذکرہ بیجا نہ ہوگا کہ ڈاکٹر محمد عبدالقوی بحیثیت ریسرچ اسکالر اردو زبان و ادب اور صحافت سے بے انتہا لگاؤ اور دلچسپی کے باعث انہوں نے محنت ، لگن ،جستجو اور یکسوئی کے ساتھ اپنے تحقیقی کام کو بحسن وخوبی انجام دینے کے لیے بیرونی ممالک بالخصوص لندن ، انگلینڈ کا متعدد مرتبہ دورہ کرتے ہوئے تحقیقی کام کو بحسن وخوبی پایہ تکمیل کو پہنچایا۔ اور تحقیق کےمیدان میں اپنی منفرد شناخت بنائی جو کہ خوش آئند بات ہے۔
ڈاکٹر محمد عبدالقوی کی اردو زبان و تحقیقی جستجو کے باعث انہیں تحقیق و تنقید کے زمرے میں ریاستی سطح کا باوقار” کارنامہ حیات ایوارڈ” سے سرفراز کیا گیا ۔ڈاکٹر عبدالقوی نے گزشتہ ایک دہے سے زائد عرصے تک یونیورسٹی کے مختلف تعلیمی وہ انتظامی عہدوں پر فائز رہتے ہوئے فرض شناسی کے ساتھ ساتھ موثر طریقے سے بہترین انتظامی صلاحیتوں کا مظاہرہ کرنے پر انھیں “یونیورسٹی بیسٹ ایمپلائ ایوارڈ ” سے بھی نوازا گیا ۔ جس سے انھیں درس و تدریس کے ساتھ ایڈمنسٹریٹیو عہدوں پر فائز رہتے ہوئے انتظامی صلاحیتوں میدان میں بہترین کارکردگی مظاہرہ ہیں۔
علاوہ ازیں ڈاکٹر عبدالقوی کو درس و تدریس کے شعبہ میں گراں قدر خدمات پر ریاستی اردو اکیڈمی حکومت تلنگانہ کی جانب سے” بیسٹ ٹیچر ایوارڈ ” بھی عطا کیا گیا ۔ ڈاکٹر عبدالقوی اسسٹنٹ پروفیسر و چیئرمین بورڈ آف اسٹڈیز شعبہ اردو کو وائس چانسلر پروفیسر ٹی یاد گیری راؤ سر کی جانب سے یوم جمہوریہ تقریب کے موقع پر تہنیت پیش کرنے پر پرنسپل یونیورسٹی کالج پروفیسر سی ایچ آرتی میڈم نے بے حد خوشی و مسرت کا اظہار کرتے ہوئے ڈاکٹر عبدالقوی کو مبارکباد پیش کرتے ہوئے نیک تمناؤں کا اظہار کیا ۔ علاوہ ازیں ونیورسٹی ٹیچرز ایسوسی ایشن کے صدر ڈاکٹر اے پنیا ، ، ڈاکٹر جمیل ، کے علاوہ تقریب میں موجود دیگر اساتذہ کرام وہ نان ٹیچنگ اسٹاف اور طلباء و طالبات نے مبارک باد دیتے ہوئے نیک خواہشاتِ کا اظہار کیا
۔ یہاں اس بات تذکرہ ضروری ہوگا کہ ڈاکٹر عبدالقوی نظام آباد کے معروف فٹبال کھلاڑی و اسپورٹس پرسن محمد عبد الباری صاحب مرحوم محکمہ ٹریژری اینڈ اکاؤنٹس کے فرزند اور محمد عبد الباقی صاحب مرحوم سب ٹریژری آفیسر کے پوتے ہوتے ہیں۔
