بڑوانی: مدھیہ پردیش کے بڑوانی ضلع کے سیندھوا قصبے میں آج چھوٹے بچوں کو لے جا رہی ایک پرائیویٹ اسکول کی بس ایک ٹرک سے ٹکرا گئی، سبھی 20 بچے محفوظ ہیں۔
سیندھوا تحصیلدار منیش پانڈے نے بتایا کہ سیدھوا کھیتیا روڈ پر ایک موڑ پر ایک پرائیویٹ اسکول کی بس اور ٹرک میں ٹکر ہوگئی۔
ٹکر کے باعث بس کے کچھ شیشے ٹوٹ گئے تاہم تمام بچے محفوظ رہے۔
واقعے اور ہجوم کے جمع ہونے سے بچے خوفزدہ ہوگئے۔
انہوں نے کہا کہ دونوں گاڑیوں کی سائڈ سے ٹکر ہوئی جس سے بڑا حادثہ ٹل گیا۔
اسکول کو واقعے کی اطلاع دی گئی اور بچوں کو دوسری بس میں بھیج دیا گیا۔
پولیس ذرائع کے مطابق اس معاملے میں قانونی کارروائی کی جا رہی ہے۔
جب تک موڑ پر موجود دونوں گاڑیوں کے ڈرائیور کچھ سمجھ پاتے، ٹکر ہو چکی تھی۔ بس میں تقریباً 20 بچے سوار تھے۔
واقعے کے بعد ٹرک لے کر فرار ہونے والے ٹرک ڈرائیور کو روک کر پولیس کے حوالے کر دیا گیا۔
ہمیں فالو کریں
