تیجسوی یادو نے اپنے بیان میں مزید کہا، ’’نتیش کمار نے بہار کے عوام کو ہر سطح پر مایوس کیا ہے۔ ان کی حکومت کے دوران انفراسٹرکچر کی حالت بدتر ہو چکی ہے۔ سڑکوں اور پلوں کی حالت اتنی خراب ہے کہ ایک ہی بارش میں یہ ٹوٹ پھوٹ کا شکار ہو جاتے ہیں۔‘‘ انہوں نے مزید کہا کہ نتیش کمار کی قیادت میں ہونے والی دھاندلیوں اور امتحانات میں پیپر لیک کے واقعات نے نوجوانوں کی امیدوں کو توڑ دیا ہے۔
تیجسوی نے یہ بھی کہا کہ بہار کے لوگ روزگار کے لیے دوسری ریاستوں میں نقل مکانی کر رہے ہیں کیونکہ نتیش کمار کی حکومت ان کے لیے کوئی ترقیاتی مواقع فراہم نہیں کر رہی ہے۔ انہوں نے اس بات پر زور دیا کہ اگر ان کی حکومت بنتی ہے تو وہ بہار کے لوگوں کی زندگی بہتر بنانے کے لیے کام کریں گے۔
