[]
حیدرآباد: ہائیٹیک سٹی میں فلائی اوور کی حفاظتی دیوار سے ٹکرا کر ایک 22 سالہ خاتون فلائی اوور سے نیچے گرکر ہلاک ہوگئی۔
اس کا دوست، جو بائیک پر سوار تھا زخمی ہوگیا۔
کولکاتہ کی رہنے والی سویٹی پانڈے (22) اور اس کا دوست ریان لیوک جمعرات کی شام جے این ٹی یو سے آئیکیا کی طرف آرہے تھے۔
پولیس کے مطابق ہائیٹیک سٹی فلائی اوور پر جاتے ہوئے ریان لیوک تیز رفتاری کے باعث موٹر سائیکل پر سے کنٹرول کھو بیٹھا اور ریٹیننگ وال سے ٹکرا گیا۔ ٹکر اتنی زوردار تھی کہ سویٹی فلائی اوور سے نیچے سڑک پر گر گئی اور اس کے سر پر گہری چوٹیں آئیں۔
ریان کو بھی شدید چوٹیں آئیں۔ دونوں کو قریبی اسپتال منتقل کیا گیا، جہاں علاج کے دوران سویٹی نے دم توڑ دیا۔
بعد ازاں پولیس نے لاش کو پوسٹ مارٹم کے لیے عثمانیہ جنرل اسپتال منتقل کیا۔
مادھا پور پولیس نے تعزیرات ہند (آئی پی سی) کی دفعہ 337 اور 304 (اے) کے تحت لاپرواہی اور تیز رفتار ڈرائیونگ معاملہ میں مقدمہ درج کیا اور مزید تحقیقات شروع کردی ہیں۔
