[]
ستنا: مدھیہ پردیش کے ضلع ستنا میں دو الگ الگ سڑک حادثات میں ایک خاتون مزدور کی موت ہوگئی جبکہ سات اسکولی بچے معمولی زخمی ہوگئے۔
پولیس ذرائع کے مطابق کولگواں تھانہ علاقہ کے سونورا موڑ کے قریب مزدوری کرکے پیدل کگر جارہی جانکی ساکیت کو کل مکسر مشین لے کر جارہی گاڑی نے کچل دیا۔
اس حادثے میں زخمی جانکی کی موقع پر ہی موت ہوگئی، جبکہ ایک اور واقعے میں سات اسکول بچوں کے زخمی ہونے کی اطلاع ہے۔
ناگود تھانہ علاقہ میں اسکول بس بے قابو ہوکر الٹ گئی تھی۔
اس حادثے میں سات بچوں کو معمولی چوٹیں آئیں جنہیں ابتدائی طبی امداد کے بعد گھر بھیج دیا گیا۔
