[]
حیدرآباد: آندھراپردیش کی چتور تروپتی قومی شاہراہ پر سرکاری شراب سے لدی گاڑی الٹ گئی جس کے ساتھ ہی سڑک پر گری شراب کی بوتلوں کو لے کر کئی راہگیراورمقامی افراد فرار ہوگئے۔
چتور ضلع کے وڈے پلی علاقہ کے قریب ایک سرکاری شراب کا پوائنٹ ہے جہاں سے دکانات کو شراب کی سپلائی کی جاتی ہے۔
معمول کے مطابق ایک کھلے ٹیمپو میں شراب کے ڈبے منتقل کئے جارہے تھے کہ گاڑی کا اگلا پہیہ پنکچر ہو گیا جس کے نتیجہ میں گاڑی بے قابو ہو کر سڑک کے کنارے الٹ گئی۔
اس واقعہ کے نتیجہ میں شراب کے ڈبے گر گئے اور بعض بوتلیں ٹوٹ گئیں۔
اس واقعہ کے ساتھ ہی سڑک پر گری شراب کی بوتلوں کو لے کر کئی راہگیراورمقامی افراد فرار ہوگئے۔ اس حادثہ میں تقریباً 6 لاکھ روپے کا نقصان ہوا ہے۔
