[]
یادگیر (کرناٹک): کرناٹک پولیس نے چہارشنبہ کے دن ضلع یادگیر میں ایک سوشل میڈیا انفلوئنسراور اس کے ساتھی کو دھمکی آمیز ویڈیوز پوسٹ کرنے پر گرفتار کرلیا۔
ان دونوں نے دھمکی دی تھی کہ پیغمبر اسلام ؐ کی شان میں گستاخی کرنے والوں کا سر قلم کردیا جائے گا۔
گرفتار افراد کے نام 23 سالہ اکبر سید بہادر علی ساکن موضع اشنالہ اور 21 سالہ محمد ایاز ساکن ہٹی کنی چوراہا نزد یادگیر بتائے گئے ہیں۔ یادگیر رورل پولیس نے ملزمین کو گرفتار کیا۔
سوشل میڈیا پر ویڈیوز وائرل ہونے پر ہندو تنظیموں اور کارکنوں نے ان کی گرفتاری کا مطالبہ کیا تھا۔
ہندو جن جاگرتی سمیتی کے سینئر قائد موہن گوڑا نے اکبر سید بہادر علی کے خلاف ایف آئی آر درج کرنے کا مطالبہ کیا تھا۔
ویڈیو میں علی نے اپنی قوم سے کہا کہ پیغمبر اسلام ؐ کی اہانت کرنے والوں کا سر تن سے جدا کردیا جائے۔ ویڈیوز میں ایاز بھی دکھائی دیا۔
