بی جے پی میں شامل ہونے کے لیے کروڑوں کی پیشکش کی گئی! عآپ کے تین ارکان اسمبلی کا سنسنی خیز دعویٰ

اسی طرح کے دعوے بلّوآنہ کے رکن اسمبلی امندیپ سنگھ اور لدھیانہ ساؤتھ کے رکن اسمبلی راجندر پال کور چھینا نے بھی کیے۔ لدھیانہ ساؤتھ کے رکن اسمبلی چھینا نے دعویٰ کیا کہ انہیں سیوک سنگھ نامی شخص کا فون آیا تھا۔ انہوں نے بتایا کہ کال ایک بین الاقوامی نمبر سے کی گئی تھی۔ چھینا نے کہا کہ فون کرنے والے نے انہیں بی جے پی میں شامل ہونے کی پیشکش کی۔ ایم ایل اے امندیپ سنگھ نے یہ بھی دعویٰ کیا کہ انہیں منگل کو ایک فون آیا اور اس شخص نے کہا کہ وہ دہلی سے فون کر رہا ہے۔ سنگھ نے الزام لگایا ’’انہوں نے مجھے بی جے پی میں شامل ہونے کو کہا اور 45 کروڑ روپے کی پیشکش کی۔‘‘ تینوں ارکان اسمبلی نے کہا کہ وہ پارٹی نہیں چھوڑیں گے۔ عآپ لیڈروں نے یہ الزامات ایسے دن لگائے جب عآپ کے واحد رکن پارلیمنٹ سشیل کمار رنکو اور رکن اسمبلی شیتل انگورال بی جے پی میں شامل ہوئے۔