[]
حیدرآباد: بیٹی سے محبت کی شادی پر سسر نے داماد پر حملہ کرتے ہوئے اس کو شدید زخمی کردیا اوربیٹی کو اپنے ساتھ لے گیا۔یہ واقعہ آندھراپردیش کے ایلورو میں پیش آیا۔تفصیلات کے مطابق ضلع کے سیتارام پور کی شری وانی اور ومشی ایک دوسرے سے محبت کرتے تھے۔
اس بات کی اطلاع لڑکی کے ارکان خاندان کو ہوئی جنہوں نے اس شادی کو قبول کرنے سے انکار کردیا۔یہ شادی آریہ سماج مندر میں ہوئی تھی۔شری وانی نے اپنے باپ سے خطرہ کی شکایت پولیس سے کی تھی جس کے بعد پولیس نے اس کے ارکان خاندان کو طلب کرتے ہوئے ان کی کونسلنگ کی تھی۔
اس کے باوجود لڑکی کے باپ کے رویہ میں کوئی تبدیلی نہیں آئی۔اس نے رشتہ داروں کے ساتھ داماد ومسی کے گھر پر حملہ کر دیا اوربیٹی کو اپنے ساتھ لے گیا۔اس حملہ میں زخمی ومسی سرکاری اسپتال میں زیرعلاج ہے۔ اس کی شکایت پر پولیس نے معاملہ درج کرکے جانچ شروع کردی۔
ہمیں فالو کریں
