زیادہ پیسے ہونے سے کھلاڑی مغرور ہو گئے ہیں : کپل دیو

اس میں کوئی دو رائے نہیں کہ بورڈ آف کنٹرول فار کرکٹ ان انڈیا  (بی سی سی آئ) دنیا کا سب سے امیر کرکٹ بورڈ ہے۔واضح رہے  بورڈ نے گزشتہ  کچھ سالوں میں بہت ترقی کی ہے۔ بورڈ کی ترقی کے ساتھ ساتھ کھلاڑیوں کی کمائی میں بھی اچھا اضافہ ہوا ہے ۔ بورڈ سالانہ کنٹریکٹ میں کھلاڑیوں کو کروڑوں روپے دیتا ہے۔ اس کے ساتھ ہی سابق ہندوستانی تجربہ کار اور 1983 کے ورلڈ کپ جیتنے والے کپتان کپل دیو نے ہندوستانی کھلاڑیوں پر تنقید کی ہے۔

شائع خبر کے مطابق کپل دیو کا ماننا ہے کہ زیادہ پیسے ملنے سے کھلاڑی مغرور  ہو جاتے ہیں ۔واضح رہے  ہندوستانی ٹیم نے آخری بار 2013 میں آئی سی سی ٹرافی جیتی تھی۔خبروں کے مطابق  کپل دیو نے ایک انٹرویو میں کہا کہ ان کے  خیال میں بعض اوقات لوگ زیادہ پیسے ہونے کی وجہ سے مغرور ہو جاتے ہیں اور وہ محسوس کرنے لگتے ہیں کہ وہ سب کچھ جانتے ہیں۔

کپل دیو نے کہا کہ  ان کھلاڑیوں کی اچھی بات یہ ہے کہ وہ بہت پراعتماد ہیں  اور ان  کی منفی بات یہ ہے کہ وہ سمجھتے ہیں کہ وہ سب کچھ جانتے ہیں۔ آپ کو کسی سے کچھ پوچھنے کی ضرورت نہیں ہے۔ ایک تجربہ کار شخص آپ کی مدد کر سکتا ہے۔ لیکن زیادہ پیسے کے ساتھ تکبر آتا ہے۔ یہ کرکٹرز سمجھتے ہیں کہ وہ یہ سب جانتے ہیں اور یہی فرق ہے۔ میرے خیال میں بہت سے کھلاڑیوں کو مدد کی ضرورت ہے۔ سنیل گواسکر موجود ہیں، تو آپ ان سے بات کیوں نہیں کرتے؟ اس میں تکبر کا کیا فائدہ؟

عالمی  کپ 2023 پانچ  اکتوبر سے ہندوستان  کی میزبانی میں کھیلا جائے گا۔ اس بار گھریلو سرزمین پر کھیلے جانے والے ٹورنامنٹ کے ذریعے ٹیم انڈیا طویل عرصے سے آئی سی سی ٹرافی  جیتنا  چاہے گی۔ سابق کپتان مہندر سنگھ دھونی نے اپنی کپتانی میں آخری بار آئی سی سی ٹرافی جیتی۔ ساتھ ہی، ٹیم حال ہی میں آئی سی سی عالمی ٹیسٹ چیمپئن شپ کا فائنل بھی ہار گئی تھی۔ ایسے میں یہ عالمی کپ ہندوستان کے لیے بہت اہم ہوگا۔