’بھارت رتن سے کچھ نہیں ہوگا، کسانوں کے مسائل حل کرنے ہوں گے‘، نریش ٹکیت نے مودی حکومت کو کیا متنبہ

سابق وزیر واعظم چودھری چرن سنگھ کو بھارت رتن دیئے جانے پر نریش ٹکیت نے کہا کہ ’’صرف بھارت رتن سے کسانوں کا کام نہیں چلے گا۔ گنے کا مسئلہ ہے، ایم ایس پی اور دیگر مسائل ہیں، انہیں حل کرنا ہوگا۔ حکومت کو یہ بھی سمجھنا چاہئے کہ کسان ہی ملک کا پیٹ بھرتے ہیں اور کسان اپنی تحریک سے پیچھے ہٹنے والے نہیں ہیں۔‘‘ انہوں نے کہا کہ ’’پورے ملک کے کسانوں کی نگاہیں دہلی پر ہیں۔‘‘