[]
نئی دہلی: لوک سبھا الیکشن سے قبل الیکشن کمیشن نے پیر کے دن سیاسی جماعتوں سے کہا ہے کہ وہ انتخابی مہم میں کسی بھی شکل میں بچوں کا استعمال نہ کریں۔
بچوں سے نہ تو پوسٹر / پمفلس تقسیم کرائے جائیں اور نہ ہی ان سے نعرے لگوائے جائیں۔
سیاسی جماعتوں کو بھیجی گئی اڈوائزری میں الیکشن کمیشن نے کہا کہ وہ انتخابی عمل میں سیاسی جماعتوں اور امیدواروں کی طرف سے کسی بھی شکل میں بچوں کے استعمال کو برداشت نہیں کرے گا۔
کمیشن نے علیحدہ سے اپنے عہدیداروں اور الیکشن مشنری کو بھی ہدایت دی کہ وہ بچوں سے کوئی کام نہ لیں۔
خلاف ورزی پر سخت تادیبی کارروائی ہوگی۔ سیاسی قائدین اور امیدواروں کو چاہئے کہ وہ کسی بھی بچہ کو اپنے ہاتھوں میں نہ اٹھائیں۔
ہمیں فالو کریں
