[]
اناؤ: اتر پردیش کے ضلع اناؤ کے پوروا کوتوالی علاقے کے تحت بلیشور مندر کے قریب جمعہ کو علی الصبح لاش کو لے کر ان اہل خانہ کو گھر چھوڑنے جارہی ایمبولینس کو ایک نامعلوم گاڑی نے ٹکر مار دی۔
تصادم کے باعث ایمبولینس وین کے پرخچے اڑ گئے اور اس میں سوار متوفی کے اہل خانہ کی تین بیٹیاں اور اہلیہ کی موقع پر ہی موت ہوگئی، جبکہ ایک اور بیٹی شدید طور پر زخمی ہوگئی، جسے بہتر علاج کے لیے کانپور کے ہالیٹ اسپتال بھیجا گیا ہے۔
سی او پوروا دیپک سنگھ نے بتایا کہ موراواں تھانہ علاقہ کے تحت قصبہ موراواں کے رہائشی دھنی رام سویتا (73) کی کانپور ہالیٹ اسپتال میں علاج کے دوران موت ہوگئی تھی۔
جہاں سے لواحقین ایمبولینس کے ذریعے اس کی لاش کو گھر (موراواں) لے جا رہے تھے۔ پوروا کوتوالی علاقے میں وللیشور مندر کے قریب نامعلوم گاڑی نے ایمبولینس کو ٹکر مار دی جس میں پریما سویتا (70) بیوی دھنی رام سویتا، منجولا سیویتا (45) بیٹی دھنی رام سویتا، انجلی سویتا (40) بیٹی دھنی رام سویتا، روبی ساویتا (30) بیٹی دھنی رام کی موقع پر ہی موت ہوگئی اورسدھا سویتا (36) بیٹی دھنی رام شدید زخمی ہوگئی۔
جسے بہتر علاج کے لیے کانپور ہالیٹ بھیجا گیا ہے۔ مرنے والوں کو پوسٹ مارٹم کے لیے اناؤ بھیج دیا گیا ہے۔ تمام مرنے والے موراواں تھانہ علاقہ کے محلہ موراواں کے رہائشی ہیں۔ اہل خانہ سے تحریر لینے کے بعد مقدمہ درج کیا جا رہا ہے۔
ایمبولینس وین کا ڈرائیور محفوظ ہے، لیکن اس کا ابھی تک کوئی سراغ نہیں مل سکا اور اس کی تلاش جاری ہے۔ جلد ہی واقعے کی وجوہات کا پتہ لگایا جائے گا۔
اطلاع پر پولیس سپرنٹنڈنٹ (ایس پی)، اسسٹنٹ سپرنٹنڈنٹ آف پولیس (اے ایس پی)، ڈپٹی کلکٹر (ایس ڈی ایم) موقع پر پہنچے اور معائنہ کیا نیز مہلکوکین کے لواحقین کو ہر ممکن مدد کی یقین دہانی کرائی۔
