[]
اس سے قبل پارلیمنٹ کا سرمائی اجلاس گزشتہ سال 4 دسمبر سے شروع ہوا تھا جو مقررہ وقت سے ایک دن پہلے ختم ہو گیا تھا۔ یہ اجلاس اہم تھا کیونکہ اس دوران حکومت نے جرائم اور انصاف سے متعلق نئے بل منظور کیے تھے۔
اس کے علاوہ ایک اور اہم واقعہ پیش آیا تھا جس نے پارلیمنٹ کی سیکورٹی پر سوالیہ نشان لگا دیا تھا۔ دراصل لوک سبھا کی کارروائی کے دوران سامعین گیلری میں بیٹھے دو نوجوان ارکان پارلیمنٹ کی بنچ کے پاس پہنچے اور کوئی زرد گیس پھیلا دی تھی۔ تاہم ارکان اسمبلی نے ان نوجوانوں کو پکڑ کر سیکورٹی فورسز کے حوالے کر دیا تھا۔
