’آر ایس ایس اور چین کے درمیان چل کیا رہا ہے؟‘ کانگریس کا مرکزی حکومت سے تلخ سوال

ویڈیو کے آخر میں کانگریس لیڈر سپریا شرینیت چینی وفد کے آر ایس ایس ہیڈکوارٹر کا دورہ کرنے پر سوال اٹھاتی ہیں۔ وہ کہتی ہیں ’’آج سوال یہ ہے کہ آر ایس ایس کے ساتھ کیا کھچڑی پک رہی ہے؟ ہمیں یہ سمجھنا ضروری ہے کہ اگر ہماری زمین پر، ہماری سالمیت پر چین نظر اٹھا کر دیکھے گا تو اس سے فوج نمٹ لے گی۔ لیکن آپ لوگوں کے درمیان میں کیا پک رہا ہے، یہ ملک جاننا چاہتا ہے۔ یہ جواب آپ کو بھی دینا ہوگا اور ناگپور میں بیٹھے ہوئے آر ایس ایس کے لوگوں کو بھی دینا ہوگا۔‘‘