[]
غزہ: غزہ کی پٹی کے مرکزی شہر دیر البلاح پر پیر کے روز اسرائیلی فضائی حملے میں کم از کم 15 فلسطینی شہید اور متعدد زخمی ہوگئے، یہ اطلاع مقامی فلسطینی ذرائع نے دی ہے۔
خبر رساں ایجنسی ژنہوا نے مقامی ذرائع کے حوالے سے بتایا کہ اسرائیلی فضائی حملے میں ایک مکان کو نشانہ بنایا گیا جس میں وہ بے گھر افراد مقیم تھے جو اسرائیلی جارحیت کے باعث اپنے گھروں سے منتقل ہوگئے تھے۔
ذرائع نے بتایا کہ ریسکیو کارکن اس وقت ملبے تلے زندہ بچ جانے والوں کو تلاش کر رہے ہیں جب کہ لاپتہ افراد کی اطلاعات سامنے آرہی ہیں۔
فضائی حملے سے قبل، غزہ میں قائم وزارت صحت نے پیر کے روز ہی تازہ اطلاع دی تھی کہ 7 اکتوبر 2023 کو فلسطینی انکلیو میں تنازع شروع ہونے کے بعد سے اب تک فلسطینیوں کی ہلاکتوں کی کل تعداد 21,978 ہوگئی ہے۔
ہمیں فالو کریں
