[]
حیدرآباد۔ ان دنوں اسمارٹ فون ہر ایک کی ضروریات زندگی میں شامل ہو چکا ہے، خاص طور پر نوجوان نسل میں اس کا جنون سر چڑھ کر بول رہا ہے۔ اگر یہ کہا جائے تو غلط نہیں ہوگا کہ کھانے کے بغیر رہ سکتے ہیں لیکن اسمارٹ فون اور سوشل میڈیا کے بغیر ان کا رہنا مشکل ہے۔
خاص طور پر انسٹاگرام ریلس کے لیے نوجوان جس طرح کا جنون دکھا رہے ہیں وہ بعض دفعہ جان لیوا بھی ثابت ہو رہا ہے۔ تازہ طور پر ایک لڑکی نے انسٹاگرام ریلس بنانے کے لیے ٹریفک سگنل پڑتے ہی سڑک کے درمیان ڈانس کیا، وہ ڈانس کرتے ہوئے سڑک پر لیٹ گئی یہ ویڈیو سوشل میڈیا پر وائرل ہو رہا ہے۔ لڑکی کی اس حرکت پر حیرت زدہ رہ گئے۔
تلنگانہ آر ٹی سی کے ایم ڈی سجنار نے اس ویڈیو پر رد عمل ظاہر کیا ہے۔ انہوں نے آج کی نوجوان نسل میں انسٹاگرام ریلس اور یوٹیوب شارٹس کے جنون کو افسوسناک قرار دیا، انہوں نے کہا کہ نوجوانوں کو چاہیے کہ وہ سماجی خدمات کرتے ہوئے دوسروں کے لیے مشعل راہ ثابت ہوں لیکن نوجوان نسل سوشل میڈیا کے نشہ میں اپنی زندگی کو برباد کر رہی ہے۔ سوشل میڈیا پر راتوں رات شہرت حاصل کرنے کے لیے سڑکوں پر اس طرح کی حرکتیں کی جا رہی ہیں۔
سجنار نے مزید کہا کہ سڑکوں پر اس طرح کی تشویش ناک حرکتیں کرتے ہوئے دوسروں کو تکلیف پہنچانے سے کیسے خوشی حاصل ہو سکتی ہے۔
నేటి యువతకు ఇన్స్టా రీల్స్, యూట్యూబ్ షార్ట్స్ పిచ్చి పట్టుకోవడం బాధాకరం. సమాజానికి పనికి వచ్చే పనులు చేసి నలుగురికి ఆదర్శంగా నిలవాల్సిన యువతరం.. సోషల్ మీడియా మత్తులో పడి జీవితాలను నాశనం చేసుకుంటోంది. సోషల్ మీడియాలో రాత్రికి రాత్రే పాపులర్ కావడం కోసం నడి రోడ్డుపై ఇలాంటి వెర్రి… pic.twitter.com/RQ6aGEWUet
— V.C. Sajjanar, IPS (@SajjanarVC) December 24, 2023
