[]
غزہ: اسرائیل کی طرف سے مسلط کی گئی جنگ کے دل دہلا دینے والے مناظر دیکھنے کو مل رہےہیں۔ شہری خوراک کی شدید قلت کا شکار ہیں۔
سوشل میڈیا پر پوسٹ کی گئی ایک ویڈیو میں غزہ میں صرف چند ہفتے کے بچے کو دودھ کے بجائے پانی پیتے ہوئے دکھایا گیا ہے۔
غزہ کی پٹی پر اسرائیلی محاصرے اور آبادی کی بنیادی ضروریات کی کمی ہے۔ چھوٹا بچہ اپنی بے گھر ماں کی گود میں دیکھا جا سکتا ہے جبکہ ماں اسے دودھ کی جگہ پانی پلا رہی ہے۔
غزہ میں جاری خوفناک جنگ سے کوئی بھی محفوظ نہیں۔ مائیں اپنے نوزائیدہ بچوں کو خوراک مہیا کرنے میں ناکام ہیں۔
جب کہ اقوام متحدہ نے خبردار کیا ہے کہ غزہ میں پانچ لاکھ افراد شدید نوعیت کے قحط اور فاکہ کشی کا شکار ہیں۔
اقوام متحدہ کے سیکرٹری جنرل انتونیو گوتیریس نے جمعہ کے روز کہا تھا کہ غزہ کی پٹی تباہ کن قحط کے دہانے پر ہے۔ انہوں نے مزید کہا کہ ’’ جو کچھ وہاں ہو رہا ہے ایسا ہم نے کبھی نہیں دیکھا‘‘۔
ہمیں فالو کریں
