[]
حیدرآباد: مختلف فلموں اور ٹیلی فلموں میں اپنے زبردست کرداروں کے لئے جانی جانے والی مولی ووڈ اداکارہ لکشمیکا ساجیوین کا شارجہ میں اچانک دل کا دورہ پڑنے سے انتقال ہوگیا۔ ان کی عمر صرف 24 برس تھا۔
لکشمیکا کو انتہائی مشہور ٹیلی فلم ‘ککا’ میں پنچمی کی دلکش تصویر کشی کے لئے کافی تعریفیں ملی تھیں۔ اس رول میں انہوں نے پسماندہ برادریوں کی جدوجہد پر روشنی ڈالی تھی۔
اپنی آخری انسٹاگرام پوسٹ میں انہوں نے بلند و بالا عمارات پس منظر میں غروب آفتاب کے منظر پر مشتمل تصویر پوسٹ کرتے ہوئے لکھا تھا کہ تمام تاریکی کے باوجود روشنی کی امید…
یہ تصویر ان کے مداحوں کے لئے اظہار تعزیت کرنے ایک کینوس بن گئی ہے جو اس کے لئے دائمی سکون کی دعا کررہے ہیں۔ اس لنک پر یہ تصویر دیکھی جاسکتی ہے۔
کیرالہ کی فلم انڈسٹری کے مشہور ہیرو دل خیر سلمان کے ساتھ بھی وہ کام کرچکی ہیں۔
لکشمیکا ساجیون کا تعلق کوچی کے وازہولیل سے تھا اور انہوں نے شارجہ میں بینکنگ کے شعبے میں بھی اپنی ہمہ گیر صلاحیتوں کا مظاہرہ کرتے ہوئے اپنی شناخت بنائی۔
